A Fundación Autismo Coruña bríndalles ás familias todo o apoio e a asistencia que necesitan en cada etapa vital.
A Fundación Autismo Coruña nace no ano 1999 co fin primordial de lles dar protección e asistencia integral ás persoas con autismo e ás súas familias. O seu obxectivo é acompañar as familias e facilitarlles os apoios necesarios, á vez que defendemos e protexemos os dereitos das persoas con autismo.
A Fundación traballa sobre 4 alicerces fundamentais:
Todo iso levámolo a cabo a través de proxectos e programas que melloran a calidade de vida das persoas con autismo e mais as súas familias.
Fundación Autismo Coruña (FAC) constitúese en escritura pública o 4 de febreiro de 1999 como entidade sen ánimo de lucro, con personalidade xurídica propia e plena capacidade de obrar para o desempeño dos seus fins estatutarios.
A Fundación está clasificada como «organización de interese benéfico-asistencial» e está adscrita á Consellería de Traballo e Benestar da Xunta de Galicia, segundo a Orde do 13 de abril de 1999 (DOG n.° 78 do 26 de abril de 1999).
Ademais, está declarada de interese galego, segundo a Orde do 24 de maio de 1999, e inscrita co n.° 1999/10 no Rexistro Único de Fundacións de Interese Galego (DOG n.° 105 do 3 de xuño de 1999), polo que as súas funcións están rexidas pola Lei 12/2006, do 1 de decembro, de «fundacións de interese galego» (https://www.boe.es/boe/dias/2007/01/16/pdfs/A02133-02146.pdf)
A actividade da Fundación Autismo da Coruña está xestionada en tres áreas, que abranguen todos aspectos relevantes do seu funcionamento. Son as seguintes:
Este departamento encárgase de informar e asesorar as familias das persoas con TEA, tanto no eido social coma no xurídico, e axúdalles no diferentes procesos de tramitación coas administracións públicas.
Realiza todas as xestións relacionadas coa administración de entidades (aspectos contables, fiscais, tesourería, etc.), ademais da xestión integral de subvencións, tanto de entidades públicas coma privadas.
No ano 2015 inclúese na Fundación este departamento co fin de xestionar as redes sociais, páxina web, organización de eventos (co apoio dos outros departamentos), etc. Ademais, axuda a fidelizar os usuarios existentes e a conseguir novos.
É o Órgano de Goberno que representa e administra o patrimonio da Fundación co fin de acadar os obxectivos para os que foi creada, fomentando o bo uso dos recursos dispoñibles para ese fin.
Todos os Patróns realizan as súas funcións de forma voluntaria por un prazo de 4 anos, que poden ser prorrogados un número indefinido de veces.
Actualmente, a composición do Padroado é a seguinte:
